Sundið komið á fullt

Nú eru haustæfingar byrjaðar hjá Sunddeildinni einsog öðrum og eru þær með svipuðu sniðu og hefur verið. Þó höfum við heldur bætt í hjá okkur og eru nú þeir sem komnir eru í 6. bekk og eldri að æfa þrisvar í viku í stað tvisvar.  Einnig er Garpasund nýjung hjá deildinni en það eru almennar sundæfingar fyrir fullorðna undir handleiðslu þjálfara og eru þær tvisvar í viku, á þriðjudögum og fimmtudögum kl. 18.15. Vel hefur verið  mætt í þann tíma - sundlaugin er stór og getum við alveg bætt nokkrum görpum við. Á garpaæfingar eru allir velkomnir sem orðnir eru 17 ára, bæði karlar og konur. Þjálfari Sunddeildar er Þuríður Snorradóttir.

Helgina 7-9. október n.k. verða hjá okkur æfingabúðir fyrir krakka 10 ára og eldri. Höfum við boðið sunddeildum af Austurlandi til þátttöku og má búast við fjölmörgum sundiðkendum miðað við undirtektir sem við höfum fengið.  Æfingar verða á laugardegi og fyrri part sunnudags. En á milli tækniæfinga og þolþrauta munu Sindra sundkapparnir sýna gestunum bæinn okkar  og fara í leiki.

Í nóvember stefnum við svo á bikarmót UíA á Djúpavogi og er það orðinn fastur liður á haustönn og ætlum við okkur stóra hluti þar enda með frábæra sundmenn og konur í deildinni okkar og höfum síðustu ár verið með stærri hópum á mótinu. Því miður er ekki keppt í garpaflokki á bikarmótinu en garpar eru að sjálfsögðu velkomnir með í stuðningsliðið. Einnig munum við fara í dósasöfnun líkt og undarfarin misseri, ætlum við nú að vera á ferðinni einu sinni fyrir áramót og einu sinni eftir.

 Æfingagjöldin hafa lítið breyst
3.-5.bekkur    kr. 10.000
6.-10.bekkur  kr. 14.500
Garpar           kr. 12.000 

 

Drög að stundartöflu haustsins

Tími	Þriðjudagur	Miðvikudagur	Fimmtudagur
13.40	Hópur 1 3.-5. bekkur		Hópur 1 3.-5.bekkur
14.20	Hópur 2 3.-5 bekkur		Hópur 2 3.-5. bekkur
15.00	Hópur 3 6.-10. bekkur	Hópur 3 6.-10. bekkur	Hópur 3 6.-10.bekkur
18.15	Garpar		Garpar
Nú eru sundæfingarnar að byrja Garpar eru 17 ára og eldri.  Nú í haust ætlum við að byrja með garpa æfingar en í það geta allir skráð sig sem orðnir eru 17 ára. Æft verður tvisvar í viku í klukkustund í senn. Skráning verður fimmtudaginn 8. september n.k. í sundlauginni milli 15-16.  Æfingar byrja svo samkvæmt stundarskrá þriðjudaginn 13.september. Þjálfari í vetur er Þuríður Snorradóttir

Sundnámskeið fyrir börn og fullorðna

Sundnámskeið hefjast mánudaginn 4.júlí. Annars vegar er um að ræða sundnámskeið fyrir börn fædd 2005 og 2006 og hinsvegar námskeið fyrir fullorðna. Allar upplýsingar um námskeiðin og skráning er hjá Hjördísi Klöru í síma 866-1316, en hún verður kennari á báðum námskeiðum.

Sundæfingar eru að fara í sumarfrí og verður síðasta æfing á miðvikudaginn 6.júlí og þá slúttum við önninni og skemmtum okkur ... nánar auglýst síðar :)

Tapað fundið

Í dósasöfnun á fimmtudag kom poki með ungbarnapelum í ljós í flokkuninni. Eigandinn getur vitjað þeirra í afgreiðslu sundlaugar Hafnar.

Ný stundarskrá

Engar sundæfingar verða í næstu viku (30.maí-3.júní)  vegna þess að þjálfari verður í fríi. Ný stundarskrá tekur svo gildi 7.júní

 

	þriðjud	miðvikud	fimmtud
09:20-10:00	Strákar 2002-2003	Strákar 2002-2003	Strákar 2002-2003
10:00-10:40	Stelpur 2002-2003	Stelpur 2002-2003	Stelpur 2002-2003
10:40-11:40	2000-2001	2000-2001	2000-2001
11:40-12:40	1999 og eldri	1999 og eldri	1999 og eldri

 Allir hjartanlega velkomnir

Sunddeild Sindra

Veturinn búinn hjá sunddeildinni

Í vetur eru búnar að vera æfingar tvisvar í viku og iðkendur 30 talsins á aldrinum 8-16 ára, þetta eru heldur færri en voru fyrir áramót en þá voru 7 ára líka en í janúar var ákveðið að Sindri biði uppá íþróttaskóla fyrir þann aldur þar sem boðið var uppá fjölbreyttar íþróttir.

Við fórum í dósasöfnun í febrúar og þökkum kærlega fyrir þær góðu móttökur sem íbúar hafa sýnt okkur. Fyrir peningana voru keyptar skeiðklukkur og uggar. Þá voru einnig pantaðar keppnispeysur en þau kaup voru einnig styrkt af nokkrum fyrirtækjum sem við viljum þakka kærlega fyrir velvildina.

Í apríl héldum við svo páskaeggjamót innan deildarinnar, allir fengu páskaegg og átti önninni að ljúka þar með. En okkur var boðið að taka þátt í árlegu vormóti á Djúpavogi þremur dögum seinna og auðvitað létum við okkur ekki vanta þar. Krakkarnir okkar stóðu sig öll með mikilli prýði og hringlaði í verðlaunapeningum á heimleiðinni.

Eftir páska hófst svo vor/sumarönnin og drifum við okkur beint í æfingabúðir og á mót á Neskaupsstað fyrstu helgina í maí, enda nýju peysurnar komnar uppúr kassanum og ekki eftir neinu að bíða. Föstudagur fór í æfingar, en einnig var boðið uppá dómaranámskeið þar sem yfirdómari frá Sundsambandi Íslands, Ólafur Baldursson, kenndi. Tveir dómaranemar fóru frá Sindra það voru Þuríður Snorradóttir og Ásdís Pálsdóttir. Gist var í Nesskóla þar sem fór vel um okkur. Mótið sjálft var á laugardegi þar sem dómaranemarnir þreyttu verklega hluta námskeiðsins. Krakkarnir stóður sig frábærlega vel. Sunddeild Sindra varð í 1.sæti í boðsundi 12 ára og yngri eftir svakalega baráttu og ætlaði allt að verða vitlaust í lauginni. Til sunddeildar Sindra komu einnig 6 gull, 4 silfur og 2 brons. 10 ára og yngri fengu öll þátttökupening. Við eigum fullt af efnilegu sundfólki í Sunddeild Sindra þau stóðu sig frábærlega.

Í maí fóru krakkarnir aftur af stað í dósasöfnun og nú söfnum við fyrir korkum og öðrum æfingartækjum til að bæta sundtæknina enn frekar. Stefnt er á að fara svo á Hallormsstað um næstu helgi, en þar verður hátíð haldin og keppt í sprettsundum, hlaupi og farið í leiki og haft gaman. Í júní verður æfingum fjölgað í 3var í viku og verður þá útskrifuðum 2. bekkingum boðið að koma aftur inn. Helgina 18-19.júní munum við svo bjóða öðrum sunddeildum að koma til okkar í æfingabúðir. Við verðum ekki með æfingar í júlí og ágúst en hvertjum allt sundfólk til að mæta í laugina og sunda sér til skemmtunar og heilsubóta, sérstaklega vonumst við til að krakkarnir verði dugleg að synda og fjölmenni svo á unglingalandsmót um verslunnarmannahelgina og sýni hvað í þeim býr.

Æfingaskrá 2011

tími                        mánudagur             fimmtudagur
kl. 13:40-14:20    3.bekkur stelpur    3.bekkur strákar

kl. 14:20-15:00    3.bekkur strákar    3.bekkur stelpur

kl. 15:00-16:00    6. bekkur +            4.&5. bekkur

kl. 16:00-17:00    4.&5. bekkur          6. bekkur +

Æfingabúðir og sundmót 7-8.ágúst 2010

7-8.ágúst næstkomandi ætlar Sunddeild Sindra að standa fyrir æfingabúðum og sundmóti fyrir sundiðkendur 10 ára og eldri.( fædd 2000 og fyrr) Áætlað er að byrja um hádegi á laugardegi og verða tvær æfingar þann daginn.  Á sunnudeginum verður síðan sundmót.  Hægt verður að fá gistingu í skóla og fæði, einnig er kjörið fyrir fjölskylduna að skella sér í útilegu/heimsókn á Höfn þessa helgi.  http://www.rikivatnajokuls.is/Vinsamlega tilkynnið þátttöku í síðasta lagi miðvikudaginn 28.júlí á  [e-mail].  Nánari dagskrá verður send út þegar nær dregur.  Með kveðju Þjálfarar og stjórn Sunddeildar Sindra

Námskeið

Mánudaginn 14.júní hefjast námskeið fyrir fullorðna

10 tíma almennt upprifjunarnámskeið , mánudagar, miðvikudagar og föstudagar kl 18-19. 

8 tíma skriðsundsnámskeið á mánu, miðviku og föstudögum   kl 19-20.

Kennari: Bára S. Ólafsdóttir

 

Þriðjudaginn 15. júni hefjast námskeið fyrir leikskólabörn

10 tíma námskeið fyrir börn fædd 2004 og 2005 kl 8-9

Kennarar Bára S. Ólafsdóttir og Þuríður Snorradóttir

Hægt að skrá á námskeiðin hjá Þuríði Snorradóttir 895-1973

 

Sundæfingar í sumar

Sundæfingar í sumar verða sem hér segir:

Þriðjudaga, miðvikudaga og fimmtudaga

Börn fædd 2002-2003  klukkan 9.15-10

Börn fædd 2000 -2001 klukkan 10-11

Börn fædd 1998-1999  klukkan 11-12

Börn fædd 1994-1997  klukkan 17-18

Þjálfari Bára S. Ólafsdóttir

Sjáumst hress og kát í sundi í sumar :-)